巴里島沙嗲Q (已結業)

周末去到葵涌广场行左阵街，当然少不了要扫埋街，食完元朗鬼巴士之后都系口痕又想食多啲野，见到隔离再隔离有一间叫SATAY Q嘅卖沙嗲串烧店舖，就被佢店面嘅设计同串烧吸引左。我同朋友叫左一串鸡($12)、一串牛($15)、一串龙趸鱼蛋($10)、一串鳗鱼($17)同一杯斑兰珍多冰($20)，本身其实只系叫左两串野，点知食食下又再加野食又叫埋饮品加加埋埋就食左咁多野。鸡肉串我认为整体不过不失，无乜特别但又有正常水准。牛肉本身个味系几鲜，食落觉得系几和味同juicy，不过可能咁岩食到去啲筋位，比较难咬。至于龙趸鱼蛋又几高质👍🏼，估佢唔到。系咪真系龙趸我就食唔出，但系啲鱼蛋嘅"鱼"味好真，朋友一食都话觉得个味道好鲜，如果可以再弹牙啲就更加好，味道取胜！至于馒鱼又系几好味，都算厚身，有口感，不过本身馒鱼入货都贵，所以$17就只有3旧，唔够喉!如果有多两旧就更加好喇哈哈! 每款串烧我地都加左沙嗲酱，叫左小辣，个沙嗲嘅味道同我地食开嘅私确有唔同，平时果啲通常带啲微甜，但依个系沙嗲加微辣，如果唔食得辣嘅人可以走辣，另外建议食鱼蛋都走辣，更加食到个原味!最后辣得济叫左杯斑兰珍多冰，我觉得真系饮到入面有斑兰