友情歲月古惑仔漫畫主題冰室 (已結業)

所有故事像已發生飄泊歲月裏~~~風吹過已靜下~~將心意再還誰~~~古惑仔系統係無數香港人既集體回憶, 身邊總有一個FANS, 估唔到時至今日竟然會開左間古惑仔主題餐廳係尖沙咀鬧市。由入店個下已經係打卡位, 牆身有大量漫畫 , poster, 又有大量figure同漫畫書, 仲有張龍頭大佬寶座, 連檯面都係古惑仔呀, 堅係好多野睇! 而我同朋友都最中意依度既vip房, 同係戲入面睇講數既場面一樣, 置身其中感覺好正。MENU都設計得勁靚,  真係會令FANS愛不釋手, 晚市嘅江湖小菜, 菜式名都成陣江湖味~~黑金烏鴉 $48 (預訂價)預訂可以有優惠價就試下, 驚訝佢真係可以將乳鴿造型襯托成黑金烏鴉! 原本以為黑色係燶左, 原來係用黑松露上色, 再加上金箔。乳鴿皮薄脆, 香口中帶黑松露味估唔到又幾夾!椒鹽鮮椰子肉 $88炸漿做得薄又炸得脆, 香口惹味之餘仲食到椰子肉既香甜, 另外仲有D炸脆左既欖菜, 幾特別而且令到整體更加惹味, 食下一舊食下一舊好快食哂! 靚媽梅菜扣肉煲 $88份量多, 扣肉炆得軟熟又入哂味, 入口滿咀油香, 邪惡但好正! 撈飯一流! 姐姐生菜煲 $78最中意依上左枱都