東京食堂 (已結業)

要揾呢间野好容易一个唔小心就行过左，因为佢系要行入一个巷仔架！见到门口大大个字写「东京食堂」同见到只Minions就代表你到啦！蒲烧鳗鱼饭，呢个系店员推荐架，未食已经闻到香喷喷，水准应该唔差！先食一啖饭，再试一啖鱼，个烧汁好加分，食到出面贵架日本餐厅既鳗鱼饭味，仲有d配菜系几正！之后叫左个乌冬配芝士吉列鸡柳，呢个咬开就唔会有芝士拉丝既效果，但食落去芝士味又真系有㖞！鸡柳就中规中矩啦，有少少改善既空间个巑岐乌冬就真系正，本身以为会系就咁一个汤乌冬，点知呢间好细心咁加左好多新鲜既菜，好岩女仔食，乌冬亦煮得岩岩好，唔会过淋，每条乌冬都会食到汤底既酱油味，正热辣辣既天气当然要配番杯蜂蜜红菜饮下啦，大大杯，够清凉，岩哂揾路揾到热哂既我地。呢间野feel到店员佢地系好有heart去经营，而且好亲民会同你倾计，作为日本菜黎讲佢相当平民价，而且质素唔差，一定会再黎多多支持下小店！