越滋味 (已結業)

喺铜锣湾返工，自然会喺铜锣湾食lunch, 今日我同事话有间几好嘅越南野，原来喺渣甸坊啲巷仔到，真系唔讲我都唔知，位置真系几偏僻。室内都几大啦，茶餐厅格局，有一个水吧位置，座位阔络，都坐得几舒服嘅。听讲lunch time一点会好多人，我差不多两点先到，所以唔洗等位。餐牌上嘅汤河可转做捞檬，所以我要左香茅猪扒捞檬加冻柠茶💰HKD45冻柠茶有一大半杯都系冰，味道好似水吧落得比较多糖，整体上都偏甜。香茅猪扒捞檬都几好味。捞檬汁放喺枱面随便仼落，檬粉上有油葱，增加香味，檬粉唔会一旧旧，好易捞。香茅猪扒有啲靭，而且比较多骨，但系十分之香，亦唔算太油腻，又唔会太干。对于我一个女仔黎讲份量刚刚好。