Beeger (已結業)

呢间小店系条暗黑巷仔度，唔系得朋友介绍话呢间burger 正，真系好易行过左。 估唔入到去又几热闹，是夜有波踢，都好爆场，好在预先book 左台，我就拣左个『珍宝磨菇手打牛肉汉堡』，而男友就要左个『流心芝士牛肉汉堡』，哗! 有成大版特式啤酒，之前兰桂芳啤酒节，我试左好多奇怪味啤酒，可惜今日抱病，乖乖点左杯薄荷茶 我个珍宝磨菇汉堡嚟先，哈哈! 原来我误会左唔系个汉堡Jumbo，系个磨菇Jumbo，个磨菇同包一样咁大，而且好厚，咬落好juicy，个汉堡d肉同出面有d唔同，唔系免治搞碎，系部分切丝，嗯…几好咬口! 赞! 个流心芝士牛肉汉堡，芝士就少左D, 不过都非常软熟香口，其实我好钟意佢个面饱皮，甜甜地有麦香，中和左汉堡肉嘅油腻，薄荷茶就系现成茶包，惊喜唔大，但有通到我个鼻塞。 总括来讲，我觉得呢间小店D食物几有Heart，下次会再来试埋D 啤酒