影片
更多
2023-07-31
300 浏览
相关食物：红油口水鸡（半只）$118，煲仔酸菜鱼（龙脷柳）$158我本身系无辣不欢嘅人，但唔算好食得辣，一般会叫小辣，今次试吓呢间鲗鱼涌川菜小店首先，佢个位置真系好难揾，我喺附近兜咗起码15分钟先揾到，间店细细地，本身想试佢个煲仔腊味饭，但原来系季节限定，所以最后试咗个煲仔酸菜鱼同口水鸡，全部叫小辣个煲仔酸菜鱼最特别之处系佢用煲仔去煮个酸菜鱼，第一次咁样食法，送到上枱时仲热辣辣，对于钟意打卡嘅人嚟讲应该系一流，味道就冇话因为用煲仔煮有啲咩唔同，都系gimmick嘢，至于味道，我觉得无出面食𠮶啲咁浓，特别系因为我哋个口水鸡嚟先讲一讲个口水鸡，呢个虽然我哋叫咗小辣，但我个人觉得系偏辣嘅，味道亦比酸菜鱼浓，钟意食辣啲同浓味嘅人应该钟意呢个多啲，佢个鸡唔属于啖啖肉𠮶种，系细细旧加骨感嘅鸡，我哋当日冇叫饭，但相信因为佢比较浓味，所以如果送饭应该系唔错嘅选择我觉得如果对川菜有兴趣，咁啱经过或者喺附近做嘢的话系可以试一试，顺带一提，虽然佢餐牌上嘅啤酒有好几种，但当晚佢剩系得青岛，钟意叫啤酒嘅人可以留意返
我本身系无辣不欢嘅人，但唔算好食得辣，一般会叫小辣，今次试吓呢间鲗鱼涌川菜小店
首先，佢个位置真系好难揾，我喺附近兜咗起码15分钟先揾到，间店细细地，本身想试佢个煲仔腊味饭，但原来系季节限定，所以最后试咗个煲仔酸菜鱼同口水鸡，全部叫小辣
个煲仔酸菜鱼最特别之处系佢用煲仔去煮个酸菜鱼，第一次咁样食法，送到上枱时仲热辣辣，对于钟意打卡嘅人嚟讲应该系一流，味道就冇话因为用煲仔煮有啲咩唔同，都系gimmick嘢，至于味道，我觉得无出面食𠮶啲咁浓，特别系因为我哋个口水鸡嚟先
讲一讲个口水鸡，呢个虽然我哋叫咗小辣，但我个人觉得系偏辣嘅，味道亦比酸菜鱼浓，钟意食辣啲同浓味嘅人应该钟意呢个多啲，佢个鸡唔属于啖啖肉𠮶种，系细细旧加骨感嘅鸡，我哋当日冇叫饭，但相信因为佢比较浓味，所以如果送饭应该系唔错嘅选择
我觉得如果对川菜有兴趣，咁啱经过或者喺附近做嘢的话系可以试一试，顺带一提，虽然佢餐牌上嘅啤酒有好几种，但当晚佢剩系得青岛，钟意叫啤酒嘅人可以留意返
张贴
