香港郵意 (已結業)

记得有次周末偶然经过首都商场发现有周末限定市集，入面有好多唔同嘅小手作摊档，充满文青气息。早排又咁啱系openrice见到原来市集嘅位置就系呢间以邮递做主题嘅文青cafe入面，于是就约了系附近返工嘅朋友来食晚饭。餐厅无特别间隔一个舖位出来，所以感觉好开扬，一入到餐厅就见到满布postcard嘅墙身同落地嘅大黑板，我同朋友忍唔住兜下圈周围参观一轮，先再拣了系tatami范围坐到地下嘅坐垫上。餐厅采用自助点餐，我同朋友叫了个蜜桃巴拿马烟肉水牛芝士沙律同all day breakfast share食。沙律菜十分新鲜爽脆，另外仲配有好多粒鲜甜多汁嘅车厘茄，淋上酸甜嘅黑醋额外清新开胃。烟肉嘅选材亦都不错，不会太油又有咸鲜味，最钟意嘅都系夹系中间嘅一层水牛芝士，同烟肉永远系绝配！另外嘅all day breakfast卖相吸引，份量亦十足，分别有齐肠仔、烟肉、炒野菌、炒蛋、沙律及牛角包。整体嘅用料都不错，大量嘅沙律菜抵消了肉嘅油腻，牛角包偏硬而不油。饮品方面，餐厅嘅选择众多，我同朋友分别叫了杯baileys chocolate及coffee frape，边饮边写意地坐系地上畅谈大满足！