FooDo

营业中

休息中

佢开舖嘅时候好多人排队，所以今次揾咗平日夜晚去食，唔使排队就可以入。门口就可以睇到系手工制嘅意粉，以前未食过仲以为佢系韩国菜，点知系有心思嘅小店做手工制意粉。舖头唔算好大，睇落去应该得三个职员，厨房同两个服务员，唔使等位，但系都有八九成满客人不断地来。第一个叫咗腌肉蛋意粉，芝士加松露粒好好食，个意粉唔系好热，所以只蛋捞匀之后唔会熟到即刻出现蛋白，好融入个自家制忌廉酱入面，咁啱我哋𠮶只蛋黄好大只，食完仲有好多汁喺个碗度，建议好似我哋咁用嚟点埋其他嘢食，因为系手工制意粉，所以系偏挺身嘅版本，要睇个人口味钟唔钟意食呢款pancake有咸嘅亦都有甜嘅，我哋今次叫咗咸嘅款式，上面系滑鸡蛋，我就系攞咗佢嚟点埋意粉嘅忌廉汁，味道更加升华。一路食佢都仲系滑蛋。最后叫咗个车打芝士腌肉火箭菜薄饼，由于系小店，所以佢真系即叫即整，如果大家要食薄饼可能就要耐心等吓或者一早叫咗先。依只腌肉就同意粉嘅一样，由于朋友在加多咗一份车打芝士，所以芝士味道超级浓郁，亦都会偏向饱肚薄饼属于薄批类似饼干款。建议大家嚟到都可以试吓唔同口味。