影片
更多
2018-01-13
406 浏览
阿波认真够老友，揸部宝记牌新开蓬靓车载我同我爱人去元朗大棠赏红叶，赏完红叶重话要请我地食晚饭，盛情难却，真系more than happy.阿波先去接波嫂放工，再驶车去食饭，我眼瞓hup左一阵。一mark开眼，吓，车左我嚟呢度。呢度咪系西贡大网仔啰，哗，原来带我地嚟呢间泰道食泰国野，巧靓㖞，又有位泊车。喱鼠几好环境㖞，分户外户内两部份。户外坐可以一路食一路欣赏旁边沙滩靓景，听住浪涛声倾吓计谈吓情真系vely骨，十足十去左布吉一样。阿波话佢同波嫂或者同d friend嚟通常坐户外，平时都好多外籍人仕嚟食野。奈何𠮶晚得12度，冷得我腾腾震，焗住要入户内食啰。一入门口就听倒沙哗d卡，原来大部份侍应都系泰国人。室内环境都唔错㖞，重有拍拖卡座添。坐低睇吓个menu，全部都系相，你系乜国人都明啰。阿波先叫一jar马骝搣饮吓，果然冇介绍错，甘甘地，正跟住阿波叫左几个𩠌，等我试吓味先。呢个椰汁鸡汤奶白色，好好饮，好多料，正宗泰国味道再嚟个香叶鸡中翼，热辣辣，好入味，我真系好like跟住嚟个菠萝海鲜炒饭，份量都唔细㖞，好足料，重有腰果同猪肉干伴食添，饭入面重有d提子，超好食再嚟个泰式辣椒膏炒花甲，味道几
喱鼠几好环境㖞，分户外户内两部份。户外坐可以一路食一路欣赏旁边沙滩靓景，听住浪涛声倾吓计谈吓情真系vely骨，十足十去左布吉一样。
阿波话佢同波嫂或者同d friend嚟通常坐户外，平时都好多外籍人仕嚟食野。奈何𠮶晚得12度，冷得我腾腾震，焗住要入户内食啰。一入门口就听倒沙哗d卡，原来大部份侍应都系泰国人。室内环境都唔错㖞，重有拍拖卡座添。
坐低睇吓个menu，全部都系相，你系乜国人都明啰。
阿波先叫一jar马骝搣饮吓，果然冇介绍错，甘甘地，正
马骝搣
45 浏览
0 赞好
0 留言
跟住阿波叫左几个𩠌，等我试吓味先。
呢个椰汁鸡汤奶白色，好好饮，好多料，正宗泰国味道
椰汁鸡汤
14 浏览
0 赞好
0 留言
再嚟个香叶鸡中翼，热辣辣，好入味，我真系好like
香叶鸡中翼
10 浏览
0 赞好
0 留言
跟住嚟个菠萝海鲜炒饭，份量都唔细㖞，好足料，重有腰果同猪肉干伴食添，饭入面重有d提子，超好食
菠萝海鲜炒饭
17 浏览
0 赞好
0 留言
再嚟个泰式辣椒膏炒花甲，味道几唔错。
泰式辣椒膏炒花甲
17 浏览
0 赞好
0 留言
再嚟个泰式炒椰菜苖，好，清得嚟又野味。
泰式炒椰菜苖
24 浏览
0 赞好
0 留言
Last嚟个甜品千层糕，卖相几靓，烟烟韧韧，唔太甜，好有口感。
千层糕
13 浏览
0 赞好
0 留言
阿波冇介绍错，呢晚食得唔太heavy,但好满足，侍应服务亦佳，尤其戴眼镜呢位大哥，上菜、收碟、充茶、影相都多多笑话，搅吓气氛，开开心心食左一餐。
唔好话呢度远，咁好气氛同咁好食物质素，大班人嚟又啱，拍拖嚟又啱，好似阿波咁揾倒个咁靓又咁叻嘅波嫂，去几远食都值得喇
张贴
