鹿角巷 (已結業)

身为布甸狗粉丝点会错过佢同鹿角巷合作既活动呢～太迟去试结果最想买既布甸狗保温杯已经卖晒，只可以预购🥲，7月凭单取货。一去到已经见到有大量打卡位啦💕💕讲返两杯野饮先布甸九号黑糖鹿丸奶茶（$46）奶茶入面有黑糖珍珠同埋原粒既布甸，睇相卖相一流，最啱打卡。但系现实系一拎到手粒布甸已经沉紧落去，要打卡既朋友记住要快手啦！味道方面都唔错，虽然有黑糖又有布甸，但都唔会话太甜，而且有咁多配料，饮落好有满足感，一个字：正！雪绒桃果鹿甸甸（$42）呢杯有热饮同冻饮，出面30几度高温我就紧系拣冻饮啦。本身几钟意蜜桃所以几期待，点知佢系将连皮既蜜桃榨完汁就落去…..饮落虽然啖啖蜜桃肉，但成口都系毛绒绒既蜜桃皮😢终于知点解杯野叫雪绒啦😐唔知系咪因为我唔想饮到啲蜜桃皮所以饮得好慢，啲冰溶左所以杯野饮偏淡，整体而言蜜桃味好足既，但我唔会再饮，因为我真系好唔钟意食啲水果皮😢