諾亞半熟蛋糕專門店 (已結業)

今日要去细妹屋企开House Warming Party，一于买个蛋糕上去开心share！路经Noah，见到有两款新品上市，一种系「朱古力半熟布丁蛋糕」($168)，另一款系「苹果半熟布丁蛋糕」($148)。两款都想试，见系阿妹咋，一于豪多20皮买个贵野！蛋糕外形走粗犷路线，都几Raw，面头系香滑既忌廉同朱古力粉。切开一睇，发现有四层：海绵蛋糕、流心朱古力、布甸、饼底。海绵蛋糕松软，几香朱古力味；要做到流心朱古力效果，记得食之前要室温放15分钟，流心令到蛋糕更湿润，唔会干争争；布甸好香滑，未试过蛋糕+布甸咁食，好有新鲜感；个饼底都俾到我惊喜，好多蛋糕既饼底都系玛利饼，但呢个饼底更似butter shortbread，好rich！蛋糕旁边用合桃捆边，脆卜卜更添口感。除左蛋糕，我仲买左一樽灯胆饮品。本身我系贪个樽靓，谂住饮完可以留黎放干花，然后发现饮品种类都几多：蜂蜜红豆水、蜂蜜薏仁水、日式玄米奶茶、紫贝天葵山楂水。清清地，就拣红豆水，估唔到，竟然系无乜甜味，非常清淡，感觉健康；饮到底仲有几粒红豆，真材实料。