影片
更多
2011-12-14
29 浏览
早排趁著天气仲热（天气真系有啲反常），食完晏走咗过嚟老远嘅Sloop Froyo叹乳酪，其实因为要拎啲嘢比朋友，晌附近交收，至所以乘机试吓佢嘅乳酪。店子细细，一室橙色、白色好抢眼醒目，环顾室内环境，基本上都系主打外卖，唯一入门口右边有张高脚枱，俾我放吓嘢兼摆低杯乳酪影吓相。此店以重量计算价钱，$18/100g，如果唔想烦，佢哋都有6款已设定嘅配搭，分别叫甜心莓莓、窈窕淑女、热情森巴、东京雪塔、缤纷乐园、可可狂想曲。想DIY嘅，配料有近廿款，分为鲜果类（士多啤梨、火龙果、蓝莓、菠萝……）同糖果类（可可米、燕麦卷、麻糬、Kit Kat朱古力……），不过，乳酪就只有原味一款，所以，相比起其他乳酪店，觉得佢哋无论晌乳酪款式同配料选择都有啲输蚀。因为唔想味道太杂，有少少刻意唔拣太多配料，最后，只拣咗红豆同Oreo饼碎。乳酪几挺身，质感唔算轻盈，带微酸，但口感颇为幼滑，冰冰凉都几唔错。红豆蓉颇香甜，很有豆味，而Oreo饼碎嘅浓重朱古力味，配合微酸嘅乳酪，都好夹。虽然老板都秤到好足，不过，$36食一杯乳酪又真系唔平嘅消费！题外话，此店除卖乳酪，另一主打就系卖New York Style Bagel（
店子细细，一室橙色、白色好抢眼醒目，环顾室内环境，基本上都系主打外卖，唯一入门口右边有张高脚枱，俾我放吓嘢兼摆低杯乳酪影吓相。
此店以重量计算价钱，$18/100g，如果唔想烦，佢哋都有6款已设定嘅配搭，分别叫甜心莓莓、窈窕淑女、热情森巴、东京雪塔、缤纷乐园、可可狂想曲。想DIY嘅，配料有近廿款，分为鲜果类（士多啤梨、火龙果、蓝莓、菠萝……）同糖果类（可可米、燕麦卷、麻糬、Kit Kat朱古力……），不过，乳酪就只有原味一款，所以，相比起其他乳酪店，觉得佢哋无论晌乳酪款式同配料选择都有啲输蚀。
因为唔想味道太杂，有少少刻意唔拣太多配料，最后，只拣咗红豆同Oreo饼碎。乳酪几挺身，质感唔算轻盈，带微酸，但口感颇为幼滑，冰冰凉都几唔错。红豆蓉颇香甜，很有豆味，而Oreo饼碎嘅浓重朱古力味，配合微酸嘅乳酪，都好夹。虽然老板都秤到好足，不过，$36食一杯乳酪又真系唔平嘅消费！
题外话，此店除卖乳酪，另一主打就系卖New York Style Bagel（百吉圈 / 贝果圈），唔知系咪因为卖似足个水泡嘅百吉圈，就将店名改为Sloop，有帆船之意。如果揸住只帆船出海，在海中荡漾，晒住太阳，食住件馅料丰厚嘅百吉圈，饮住杯冰凉鲜果沙冰，之后再叹杯有5、6款配料嘅重量级乳酪，不知几爽呀。不知店主系咪都有咁嘅幻想呢？
张贴
