名館 (已結業)

约咗S&E响铜锣湾食晚饭，听闻希慎开咗间名馆唔错，今晚就去试试佢。店内有啲特别嘅2人孖位，单边向住玻璃窗望街景，好似有个独立空间咁。店员奉上荞麦茶，好香。京川汁秋葵颜色新鲜，系微辣嘅凉拌，开胃。浓汤鲜蚝仔肉碎泡饭蚝仔大大粒唔会鯹，加咗肉碎、冬菇、葱、芫茜，又香又清甜，好食。桥底混酱猪肠粉好耐无食过猪肠粉噜，淋咗足足嘅甜酱、麻酱、辣酱，卖相已经吸引，加埋炒芝麻，又香又滑，好食。铁板叉烧扒热辣辣嘅叉烧扒，软腍蜜味，超好味！蜂蜜柚子脆虾球阵阵柚子清香，脆浆内虾仁爽弹，食落酸甜开胃唔油腻。S最钟亳食水煮鱼，估唔到呢度有得食。锅面放咗一大堆辣椒，麻辣飘散，香味四溢，微辣鱼片滑溜美味，锅内有宽条薯粉，口感滑韧，吸收咗锅料精华，好味到呢......材料丰富，份量好多，4个人食极都唔完，好饱。金银蒜银鱼蒸娃娃菜腍甜娃娃菜上面铺满配料，金银蒜同小银鱼十分惹味。非常满足嘅一餐。