老虎堂黑糖專売 (已結業)

老虎堂都开左好耐，其实都已经饮过好多次，但质素每次都有啲参差。今次第一次试荃湾呢间分店，系饮左咁多次以嚟最好饮嘅！首先个卖相要赞一赞，就算已经大排长龙，但制作虎纹嘅时候一啲都冇马虎，整得好靓呀。其次就系黑糖鲜奶。黑糖味好香浓，鲜奶味亦都好香好香，两者混合左之后饮落去真系有幸福嘅感觉，每一啖都好享受。最后就系珍珠。珍珠完全唔会好似未煮熟咁硬。珍珠嘅口感好软糯，但系分量就有啲少，因为好食到想食多啲。其实都冇话边一间分店系特别好饮嘅，都要靠下啲运气，睇下啲店员技术质素点啦。