NUTTEA (海光街) (已結業)

第一次帮衬系新蒲岗首店，人地门面企理，员工态度又殷勤。今次呢间鲗鱼涌店真系有待改善。差#1: 🤧 劲难开嘅玻璃趟门帮衬过都会明我讲咩，度门其实好明显日久失修，迟早有安全问题。另外，员工嘅私人物品周围摆，货又乱摆。差#2: 🤧 人手问题入到去，3点几，得我一个客，舖头有三位年轻员工，全部都冇戴口罩........冇人招呼，或者问我要啲咩。 其中两个挂住食米线、倾偈； 收银挂住睇外卖啲单。我已经讲咗想要order乜嘢，但佢地零反应——— 我再讲多次，收银终于应我：「好，等阵。」之后收银再同食紧米线嘅员工讲：「有人网上落单。一阵要送20杯外卖！」讲完照样大家若无其事。我体谅佢多单，等啦⋯⋯⋯企咗差唔多近10分钟，佢地咩都冇做，茶都冇整过一杯，佢先再问：「你要饮啲咩？」 真系晒晒人啲时间。好彩最后其中一位员工以5分钟都冇嘅神速整咗饮品俾我。差#3 饮品好稀因为唔系第一次饮，之前喺新蒲岗店都饮过一模一样嘅menu，但呢间分店冲嘅方式可能唔同，好似饮紧冰水咁，火龙果成份极少，好多碎冰。个啲nut cream比例同饮品差好远，有图有真相⋯味道真系好一般。