Pancake House HoiHoi (Megabox) (已結業)

几年过去，呢间曾经好多人排队嘅pancake店......依然系有人排队。$148 春季限定嘅水果梳乎理，惊人嘅价钱带黎唔惊人嘅质素。Cream充分体现香港新特色----唔甜，起呢一刻，我真系要爆啦。究竟大家点解想食甜品？咪就系因为𠮶「甜」字啰，你依加又唔比我选择，一黎就唔甜。大佬呀，我想食吓甜品姐，你地班友想食唔甜就咪鬼食甜品啦，「甜」品呀！！！！！！水果质素ok，普遍唔酸。cream唔甜，我个人觉得一入口𠮶阵有小小乳酪味。梳乎厘pancake还是挺不错，松得黎仲有蛋香(其实唔可以话好松，ok啦)$148 抹茶忌廉梳乎厘少许红豆，不过很甜，够味。pancake同上面一样，少松加蛋香味。抹茶忌廉极多，淹没左整旧pancake，可惜其实味道只可谓普通，绝对称唔上好味。cream自身都系唔甜，带一点点抹茶嘅苦涩，冇层次。抹茶忌廉撞上梳乎厘pancake，并冇带黎化学反应，只系普通嘅1+1=2。建议大家尝试其他。总结: 我如无意外应该唔会再食第二次，$148高昂嘅价格使我却步，排队嘅时间使我感到不值。