影片
更多
2022-08-16
576 浏览
同六月中既一访比起黎，明显进步了，舍利既质感同酸度都系我钟意既，详细如下~岩手 石垣贝 莼菜 水云•石垣贝唔算好甜，个汁应该系土佐醋，另外又有啲木鱼花味咁，系开胃 (都系龙师傅讲完先知原来石垣贝系岩手出产，而石垣岛系冇石垣贝的LOL 一路都以为系石垣岛出产)。青森 五日熟成 左口 •第一件就已经有啲哇一声，好少食到咁浓味既白身鱼，熟成过后又有少少粘口，正。静冈 金目鲷 •用盐衬托金目鲷既鱼味同油份，系另一种感觉，虽然食落个味感觉冇用酱油咁厚，但更贴近原味三重县 四日熟成间八 轻轻酱油渍 •熟成后既间八冇咁爽身，再经酱油轻轻渍过，油份同盐都有一个好好既平衡，正。北寄贝 •虽然成日食，但今次只贝真系好老身，龙师傅将一只分四件都唔算细旧，爽甜。冬瓜茶碗蒸 蚬and 鸡汤 虾蛄 •冬瓜+蚬+鸡汤系一个好传统既中式组合咁，但用黎配茶碗蒸又有一个几特别又好味既化学反应，虽然底下既虾蛄肉被蒸完之后唔算好甜，但质地唔错而且蛋入面都食得到有淡淡既虾肉味，几惊喜。富山 昆布渍白虾 虾油 •用昆布腌渍过既白虾比平时风味更加浓郁，有虾既甜味又有昆布既旨味，但我发现今日龙师傅用既虾油好浅色，同
岩手 石垣贝 莼菜 水云
•石垣贝唔算好甜，个汁应该系土佐醋，另外又有啲木鱼花味咁，系开胃 (都系龙师傅讲完先知原来石垣贝系岩手出产，而石垣岛系冇石垣贝的LOL 一路都以为系石垣岛出产)。
青森 五日熟成 左口
•第一件就已经有啲哇一声，好少食到咁浓味既白身鱼，熟成过后又有少少粘口，正。
静冈 金目鲷
•用盐衬托金目鲷既鱼味同油份，系另一种感觉，虽然食落个味感觉冇用酱油咁厚，但更贴近原味
三重县 四日熟成间八 轻轻酱油渍
•熟成后既间八冇咁爽身，再经酱油轻轻渍过，油份同盐都有一个好好既平衡，正。
北寄贝
•虽然成日食，但今次只贝真系好老身，龙师傅将一只分四件都唔算细旧，爽甜。
冬瓜茶碗蒸 蚬and 鸡汤 虾蛄
•冬瓜+蚬+鸡汤系一个好传统既中式组合咁，但用黎配茶碗蒸又有一个几特别又好味既化学反应，虽然底下既虾蛄肉被蒸完之后唔算好甜，但质地唔错而且蛋入面都食得到有淡淡既虾肉味，几惊喜。
富山 昆布渍白虾 虾油
•用昆布腌渍过既白虾比平时风味更加浓郁，有虾既甜味又有昆布既旨味，但我发现今日龙师傅用既虾油好浅色，同沙律油咁上下色，之前好似系深橙色的说。
池鱼 葱茸
•唔记得左系边度既池鱼了，但油份同鱼既味道都好浓，系食完令人双眼发光既味道。
醋鲭鱼 紫苏
•唔算好酸，但油份好丰富鱼肉亦冇因为腌渍太耐变硬变柴，鱼肉既面头用备长炭烧香左，微暖既鱼料同舍利令醋香同紫苏既味道更加突出，好食。
鳢鱼 茄子 唔知咩味噌酱
•上枱既时候超级热辣辣，个个都比佢个碗呃左，以为可以揭起，粒野就鱼有鱼味，茄子又有茄子味，但个酱又唔系特别出位，唔知系唔系因为饮左酒味蕾敏感度下降，定系上一件醋鲭太强劲。
青森 大间 石司 中拖罗 x2046
•人生既第一件石司，成日见大神s讲石司石司，无知的我重以为系产地黎，但原来石司系鲔鱼买手人当中既精锐中之精锐，换言之即系石司会买既货就可能系当日市场最出色既鱼货。依一件中拖罗有啲推翻左平时既印象，佢有充够而唔油腻既油份，又有比平时一般赤身更浓郁既肉味，咀嚼既时候感觉到个味道一直释放出黎，回味无穷。
七日熟成 波士顿 蛇腹
•同石司比较又好似有啲唔公平，心入面觉得冇理由揾鬼妹同日本妹比较，但连续两件咁上，又难免，蛇腹既油份当然系更加丰富，但就冇左头先石司果种好深邃既味道，系好食，只系有比较有伤害。
利尻产 盐水海胆 海盐
•颗粒分别，鲜甜，值得一赞既系师傅仔落盐花既份量非常精准，多一分就咸，少一分就唔够，要赞。
玉子烧
•唔会话劲甜，咸甜都有，都有浓郁既蛋香，但个人就觉得可以做得再湿润啲，就会更好食了~
龙爪手吞拿鱼太卷
•切口好齐整，唔会拖烂哂啲紫菜，有三分二系吞拿鱼，各部位都有啲咁，剩返就系干瓢同青瓜，满足
任性追加:
𩽾康鱼肝
•佢唔系一条条好粗壮包锡纸果种，我估系因为佢用慢煮既方法黎处理? 油份，味道依旧出色，下次我都系会继续追加。
备长炭烧鸡翼
•用盐水浸泡腌渍后再风干，外皮烧得好香脆，肉入面有淡淡的盐味和鸡肉原本既风味，手势出众，果日好似系全场追加人头鸡翼。
沙甸
•充足既油份，有发光鱼料既重口味，食完佢再饮埋最后果杯酒，我满足了。
张贴
