洪記粥品 (將軍澳廣場)

营业中

休息中

因已有好一段时间无去过将军澳，所以今日下午我们去咗将军澳Popcorn商场行街，行过发现原来Popcorn已有第二期，兼且连接住呢个将军澳广场，我们行到去差唔多应该系商场最后尾位置有间叫「洪记粥品」，而小妹嘅老豆系最钟意食生滚粥，所以我们就入咗去食下午茶！我们叫咗猪膶鱼腩粥同皮蛋鱼腩粥，一嚟到我们见到碗粥就觉得「哗！好似好多𩠌好足料咁」但仔细啲睇就发现原来系只碗好只，变咗放咗啲𩠌之后，粥嘅份量唔会好多，遮盖唔晒啲𩠌，所以唔系好做到生滚粥嘅效果！如果只碗大只多啲啲，咁就会更加好！我们另外再叫咗牛肉肠粉、炒米粉同牛脷酥！肠粉嘅外层比较粗「嚡」，但牛肉嘅份量都算多！炒米粉同牛脷酥就不过不失！