影片
更多
2018-10-04
48 浏览
观塘区西餐厅唔少，但高质会回头嘅就寂寂可数有旧同事返黎观塘约食lunch，揾揾下就见到依间小店新开位置系宜安街，几乎大部分都系食肆。我地系街头一望过去，见到有间全蓝色嘅就揾到~早一日预约定，未齐人1:00去到都入得，全店座位唔多，6-7张枱。入到去几乎都full咗，唔预约应该要等下一round先有得食lu餐厅环境行希腊风，蓝天白云加希腊风景画~有播音乐，坐位都舒服几啱倾计畅谈是日lunch set有A-H个餐，意粉、饭、扒都有，价钱以西餐嚟讲合理，唔算贵一个set净系包餐汤同野饮，如果要蒜蓉包/沙律就要另外加钱~可能因为咁价钱比出面西餐平我地各点咗个扒餐食豪d是日餐汤系蕃茄浓汤，好重蕃茄味，囗感比较浓厚饮得出系真材实料，唔会又稀又淡。饮完都开胃咗，准备食主菜主菜猪扒嚟喇！上菜见到真系哗咗声竟然有两大块扒，真系大过块脸估唔到$88都有咁嘅份量！味道好好有肉汁，肉质淋易切开，唔会太老，煮得啱啱好熟。平时少叫猪扒，就系惊煮过龙会难咬开侧边有少少肥膏位切走冇食到~洋葱汁正常，真系有一条条洋葱架，唔系得个汁落单前有问过系咪配薯菜/饭/意粉，个员工话系，我地就叫咗一个要薯蓉一个要薯条。点知到上菜嘅
位置系宜安街，几乎大部分都系食肆。我地系街头一望过去，见到有间全蓝色嘅就揾到~
早一日预约定，未齐人1:00去到都入得，全店座位唔多，6-7张枱。入到去几乎都full咗，唔预约应该要等下一round先有得食lu
餐厅环境行希腊风，蓝天白云加希腊风景画~有播音乐，坐位都舒服几啱倾计畅谈
是日lunch set有A-H个餐，意粉、饭、扒都有，价钱以西餐嚟讲合理，唔算贵一个set净系包餐汤同野饮，如果要蒜蓉包/沙律就要另外加钱~可能因为咁价钱比出面西餐平
我地各点咗个扒餐食豪d
是日餐汤系蕃茄浓汤，好重蕃茄味，囗感比较浓厚饮得出系真材实料，唔会又稀又淡。饮完都开胃咗，准备食主菜
香煎美国有骨猪扒配洋葱烧汁
$88
6 浏览
0 赞好
0 留言
主菜猪扒嚟喇！上菜见到真系哗咗声竟然有两大块扒，真系大过块脸估唔到$88都有咁嘅份量！味道好好有肉汁，肉质淋易切开，唔会太老，煮得啱啱好熟。平时少叫猪扒，就系惊煮过龙会难咬开侧边有少少肥膏位切走冇食到~洋葱汁正常，真系有一条条洋葱架，唔系得个汁
落单前有问过系咪配薯菜/饭/意粉，个员工话系，我地就叫咗一个要薯蓉一个要薯条。点知到上菜嘅时候，只系得4条瓜同2粒蕃茄仔。问返先知原来预设咗系依个，除非特别有讲我地讲返有order个阵讲过，佢就同厨师倾完，另补比我地。咁即系本身个餐嘅薯菜就只系得咁少，如果食晒两块扒但得几粒瓜配，会唔会太dry？情愿扒细少少，但薯菜真系比多d，唔会食完济咗
后补嘅薯条同薯蓉用细碗装，薯条仲系新鲜热辣，应该系厨师特登另外整嘅，实心有薯仔肉系入面，同埋够粗先有囗感，好食！
薯蓉特别调过味，本身一见到好似冇味咁，仲打算加洋葱汁一齐食。点知已经加咗调味，好creamy同甜甜地，有细细嘅薯粒混咗系入面，增加唔少囗感。份量虽然少，不过质素好
纽西兰肉眼配洋葱汁
$112
5 浏览
0 赞好
0 留言
同事个牛扒接住上菜，原来得一块！份量少但价钱比猪扒贵$2x...要咗7成熟，上菜时仲有少少血丝，唔会煎得太老！牛扒本身偏薄，食落囗感普通，如果厚d会比较好肉味都几浓同埋香~本身依个餐系配红酒烧汁，但同事唔食得红酒汁，就转咗洋葱汁~整体味道唔错，但要二拣一嘅话，猪扒性价比较牛扒高
食食下见到个宣传座~like & share 社交网站专页，有得送哈根大师雪糕！我地即刻眼睛发亮有一球大嘅雪糕做饭后甜品，好满足
整体食物质素唔错，环境舒服。记得要book位同换雪糕呀
张贴
