富山麵家

营业中

休息中

都有一排無去希雲街食嘢，被一間好有日本feel的拉麵店吸引了，入面的佈置都好有心思～店內不算好大，但位置之間好有空間感，而且keep住有人入來食～原來餐廳係東京拉麵五連冠🏆真係要食過先知有幾厲害😎只需$85就食到冠軍黑醬油拉麵，湯底的黑醬油真係好好食，以雞骨、豬骨、鮮魚等熬製，味道好濃香的同時，鹹度適中。而且麵質彈口，真係好想再去食。見到「激辛」2個字已經吸引了我的眼球，激辛味噌拉麵湯底係好刺激的辣，越食越辣越過癮😆🌶️只點了小辣有點可惜，下次來吃辣點的。拉麵上的叉燒軟香，肥瘦適中。原來2人同行, 餐廳仲會每人送一客沖繩入口豬軟骨，軟骨淋香而且好大部份係軟骨來，勁surprise😍還點了2款小食～富山雞翼屬高水準之作，雞翼皮脆香，味道微甜特別，還有芝麻令口感更好。肉汁滿滿餃子🥟皮薄脆香，入面肉同菜比例均勻，本來以為係普通紅色碟，點知食了餃子後發現係卡通碗來！仲要係我最鍾意嘅melody❤️這裡點飲品也相當抵，只需$1x，餐廳來說算係平。凍鮮泡蜂蜜綠茶係用士多啤梨🍓杯上，好適合打卡😍綠茶微甜清新 ，好解渴。