大灰熊廚房 (裝修中)

今日陪朋友去拎身分证，就顺便系附近揾食。帝景湾楼下嘅商场都有好几间餐厅，今晚想食中式，就拣咗呢间大灰熊厨房。除咗有舒适嘅卡位，仲有几张大圆枱，一家大细黎食就啱哂，系用餐期间都见到唔少外卖单！前菜系自家制腌萝卜青瓜，个人最钟意白萝卜，爽口够酸超开胃！因为要减肥要减食量，所以净系叫咗两款小菜店员推介小菜，蒜香一字骨同千岛虾球。所有小菜都系即叫即制，保证上枱新鲜热辣辣！蒜香一字骨系用左单骨鸡翼，食起上黎方便啲，一字骨炸到好香口，加埋新鲜蒜加干蒜一齐炒香，又系一道下酒好菜！千岛虾球，大粒又弹牙嘅虾球裹左薄粒再炸到外皮酥脆，再捞埋邪恶千岛酱，食落唔油腻，酸酸甜甜好适合夏天食。伴碟用咗沙律菜，整体菜式颜色丰富！