帝樂 - 德國餐廳 (已結業)

👫今次嚟到洪水桥呢间德国餐厅🇩🇪，环境布置好有情调，有室内外座位提供🤓 室内仲有live band添，系情侣撑台脚嘅好地方💑一一一一一一一一一一一一一一#凯撒沙律配特色炸鱼饼伴脆德式面包片 <$120>沙律好新鲜，菜食落嗦索声🥗炸鱼饼有惊喜，原来入面仲有原只虾肉，唔怪得咁弹牙啦😝加埋啲脆面包片食真心一流😍.#香浓薯仔汤配鸡肉 <$75>每饮一啖汤就会食到粒粒嘅薯仔同鸡肉，好满足呀🤤味道好似忌廉汤，饮完好饱肚😳.#脆皮烧猪肘配酸椰菜烧薯 <$240>一上台就吓亲，猪肘大得夸张😱影完相仲有专人帮我地切开，方便食用🥳猪皮外层烧得香脆，不过口感好硬，但内里嘅猪肉依然保持滑嫩，值得一赞👍🏻味道啱啱好，唔会太咸，拎嚟送啤酒一流😋.#波浪粉配烩猪肉丝伴番茄酱 <$160>味道一般，酸酸甜甜咁，加少少辣会更惹味💦波浪粉口感唔错，弹牙过意粉👍🏻猪肉丝份量都几多，食落有啲烟熏嘅味道😋.#鲜焗朱古力布郎尼挞配云呢拿雪糕 <$115>布朗尼挞加入咗核桃，咬落比较硬身，充满口感🤓味道唔甜，系好浓郁嘅朱古力味，就算食晒成个都唔会好漏🙈