和処 酒肴 (已結業)

之前听朋友介绍在漆咸围有一间隐世日本人开的日本料理店，这条街唔多人行，若然非熟客，唔会揾到来，和処酒肴个名非常贴切，因为日本人老板亦是一个喇酒师，三款厨师发板都可以拣配酒或甜品，甜品系另一个位胃，仲驶乜谂，如果要饮酒一杯又唔够，所以梗系拣甜品。七道菜式，前菜及甜品最精彩。以为师傅送只船上来，只碟真系长，里面有近乎10样嘢，全部师傅自家制，盒仔里面是酒盗萤光鱿鱼，几咸，左至右数过去有猪肉卷、海胆猪肉卷、鸡肉卷、明太子汁鸡肉卷、手握及一些渍物，与别不同，师傅真系有料到。三款刺身比较普通，𫚕鱼、左口、萤光鱿鱼，唔知点解师傅咁钟意萤光鱿鱼，咁快又重复。接下来先熟食，有炸樱花饼、煎油甘鱼，两个比较樱花饼好食，油金鱼过咸肉唔算滑，送酒就啱。跟住又系熟食，海鲜千层蒸，又几特别，黑松露油很香。以为刚才𠮶只碟好长，原来呢只先叫做长，估计有二呎长，两个人份量每人八件寿司一只碟出齐，真厉害。最欣赏都系甜点，几靓又多花款，玻璃杯里面是柚子雪糕配杂果芦荟梳打，仲有一粒红豆糯米糍，碟上有柿干桃子饼，细碟上有椰子朱古力及朱古力芝士蛋糕，极之丰富，样样都好食，唔会太甜，好感多元化，点会唔满意。