回到味來 (已結業)

同朋友约食饭，当然系约喺大家都方便嘅旺角啦。本来谂紧食咩好，不过有朋友话佢有一间食过嘅餐厅推介，就跟住佢想到嚟啦。其实呢间餐厅喺商业大厦嘅楼上，如果唔系有人带，其实我唔会留意到。入到黎其实装修得几好，位唔算太多，所以人唔多，咁就好啦，我好怕太多人，太多油烟味。因为我哋都唔食得辣，所以冇拣到恶魔鸡煲，叫咗一个黄焖鸡煲。打边炉𩠌方面就系一般边炉都会有嘅料。最钟意就系打边炉嘅时候嘢饮有竹蔗茅根或者凉茶拣，咁就唔会因为打边炉太热气，第日喉咙痛啦。个鸡煲焖得好入味，上嘅时候侍应仲会特登过嚟帮我地打开个煲盖搞下佢，同提醒我哋等一阵入味啲先至食，会好味啲。话俾我哋听最适合嘅食法呢一样野真系好贴心啊😍个鸡煲除咗鸡之外，仲有其他配料，包括冬菇或者洋葱所以成煲鸡好香呀😋啲鸡食得差唔多，就叫佢帮我地换咗过炉嚟打边炉啦，汤底我哋拣咗一个比较清淡嘅芫荽皮蛋汤。汤底够清淡就可以食得出海鲜嘅鲜味同埋食材原本嘅味道啦。同埋芫荽下火啊！😍我最钟意海鲜拼盘够够海鲜拣，而且又够新鲜，一啲腥味都无😈最后我哋倾计倾得有啲耐，呢个时候侍应哥哥走埋嚟问我地要唔要试吓佢哋个甜品，免费送咗一个甜品俾我哋。初时我哋冇咩期待上到嚟嘅时候先