影片
更多
2009-04-01
132 浏览
师傅呢期忙到半死, 得番半条人命, 所以连食评都冇咩时间写, 但系到师傅自己嘅生日饭又点能够唔写呢? 于是就的起心肝, 写番个食评先!话说食神问师傅想食d咩, 唔知点解师傅𠮶期好想食煎蚝饼, 于是就话打冷啦; 结果食神夫妇就揾左呢间食店为作师傅嘅生日饭! 由于事前收到风呢度系不设订位, 所以个个都好准时到达, 但估都估唔到师傅呢期咁红咁受欢迎, 呢次饭局嘅出席人数竟然有成十八人, 认真俾面; 而呢度最大𠮶张枱都系够坐十个人, 所以最后都系分开左两张枱坐!全程由食神嫂发版, 一式两份, 所以一日未登埸师傅都唔知有咩食, 不过就一定知有师傅最想食嘅煎蚝饼, 最后登埸仲有腐乳通菜, 冻蟹, 猪红萝卜, 酸菜花生, 冻乌头, 墨鱼拼生肠, 红肠拼猪大肠, 蚝仔肉碎粥同卤水鹅片!师傅第一啖当然系主攻煎蚝饼啦, 蚝饼煎得好松脆, 加上粉唔厚油唔多, 但蚝仔就劲多, 蚝味劲香, 而入口鲜甜, 真系食到停唔到口, 非常好味; 腐乳通菜就好嫩绿, 一d都唔老, 不过师傅就食唔到腐乳, 可以啦; 冻蟹呢, 师傅就冇食, 皆因懒鬼; 猪红萝卜简简单单, 不过猪红好大旧, 但又唔会一夹就散, 又唔会碎湿湿,
话说食神问师傅想食d咩, 唔知点解师傅𠮶期好想食煎蚝饼, 于是就话打冷啦; 结果食神夫妇就揾左呢间食店为作师傅嘅生日饭! 由于事前收到风呢度系不设订位, 所以个个都好准时到达, 但估都估唔到师傅呢期咁红咁受欢迎, 呢次饭局嘅出席人数竟然有成十八人, 认真俾面; 而呢度最大𠮶张枱都系够坐十个人, 所以最后都系分开左两张枱坐!
全程由食神嫂发版, 一式两份, 所以一日未登埸师傅都唔知有咩食, 不过就一定知有师傅最想食嘅煎蚝饼, 最后登埸仲有腐乳通菜, 冻蟹, 猪红萝卜, 酸菜花生, 冻乌头, 墨鱼拼生肠, 红肠拼猪大肠, 蚝仔肉碎粥同卤水鹅片!
师傅第一啖当然系主攻煎蚝饼啦, 蚝饼煎得好松脆, 加上粉唔厚油唔多, 但蚝仔就劲多, 蚝味劲香, 而入口鲜甜, 真系食到停唔到口, 非常好味; 腐乳通菜就好嫩绿, 一d都唔老, 不过师傅就食唔到腐乳, 可以啦; 冻蟹呢, 师傅就冇食, 皆因懒鬼; 猪红萝卜简简单单, 不过猪红好大旧, 但又唔会一夹就散, 又唔会碎湿湿, 而入口带少少烟韧, 加上入味非常, 确实不错; 而萝卜又系劲大旧, 几甜但唔够腍, 都唔差!
酸菜花生嘅咸菜入口清爽, 加上酸度唔会过浓, 当食到腻腻地时吃一口酸菜, 非常醒晨; 而花生松脆, 送啤酒简直系绝配; 冻乌头肉身唔鞋唔腥, 不过冻食乌头师傅始终唔惯; 墨鱼拼生肠两者除左爽字外真系谂唔到点形容, 不过生肠就好真系唔似生肠呀; 红肠拼猪大肠, 红肠够腍唔够香, 还是肥姐好味, 而猪大肠够肥够腍, 口感相当过瘾, 皆因好有赵头, 亦算不错; 蚝仔肉碎粥嘅只蚝仔都几大只, 加上劲多够晒足料, 而米亦算煲得腍, 加上方鱼松化唔硬, 真系好正; 最后卤水鹅片肉身带少少鞋, 皆因唔够肥, 肉真的很大块, 而卤水味较淡, 可以啦!
总括黎讲食物质素相当出色, 师傅相当满意, 而服务亦算几好, 环境当然唔系五星级, 大排档感觉, 不过地方亦算干净清洁, 至于价钱真的唔贵, 非常抵食; 师傅好耐冇食过咁出色嘅潮州打冷, 呢一餐简直系赏心悦目, 正呀; 你话笑脸边有可能唔比呀, 一定会再黎!
最后师傅再次谢过所有好友, 衷心多谢你地嘅出席, 令呢个饭局生息不少; 再特别多谢食神夫妇嘅精心安排!
张贴
