幸腹滿屋日本料理 (已結業)

老婆同我都系荔枝角返工, 是日为结婚周年记念, 想揾间好食又抵食嘅日本寿司店, 价性比最高就系依间幸腹满屋, 是晚一试系值得一试嘅：广岛生蚝刺身蚝肥大肉厚, 鲜甜, 有蚝味, 但海水味唔重, creamy, 酸汁唔太酸偏辣, 好吃。牡丹虾刺身好甜, 熔雪处理做得好好, 肉质弹牙爽口, 虾子甘甜, 配合得宜, 好吃。炸牡丹虾头炸得刚好, 脆卜卜, 盐花比例刚好, 好吃。秋刀鱼刺身10-12系秋刀鱼最靓嘅日子, 刚晚嘅秋刀鱼肥美, 肉甜, 师传刀工好好秋刀鱼多细骨, 佢起得好仔细刀法利落, ,配酸汁同吃绝品！炸秋刀鱼尾秋刀鱼二食, 炸刚好, 脆卜卜, 盐巴落得适宜, 好吃。赤贝刺身新鲜货, 好吃, 肉质爽脆, 食味鲜甜。海胆寿司当晚系北海道赤海胆, creamy, 好甜, 海胆分量好多, 紫菜系有烘过, 脆口, 好吃。金龙卷其实系加洲卷改版, 有虾肉, 食味丰富, 蟹籽, 玉子, 熟虾配合得宜, 同样好吃。蟹籽鱿鱼鱿鱼唔粉, 新鲜货, 爽口, 鲜甜, 好吃。烧玉子一般般, 正正常常, 唔会死实, 上枱时系热辣辣嘅。牛旁面豉汤唔太咸, 足料炸大葱唔淋油, 内里葱件还清新爽口有辛辣味, 好吃。