黑木 (已結業)

先上一个前菜，有三文鱼嘴，酸酸地好开胃，食落好爽口，呢外汁煮芋头同汁煮花螺味道差唔多，咸中带甜，系不错既前菜。到串烧，首先有牛舌，真系好正好高质😭 第一样上牛舌真系好适当！牛舌煎到表面好香微焦，入面仲好juicy!! 好冧好重味，绝对可以encore既串烧之后有烧白鳝，外脆内软，好鲜甜，食完会想再食。鸡肉棒，会跟埋一只温泉蛋，好正～ 鸡肉棒入面有软骨，食落好有口感。之后串烧仲有烧白葱，烧紫薯，烧秋葵，烧鸡尾，都好够火候，酱汁同味道都好岀色。之后小食仲有讥煮鲍鱼，冲绳豚手。个人觉得鲍鱼做得好鲜甜好弹牙，而且都好入味～最后一样系烧饭团，虽然饭团冇咩味道，但外脆内软既口感值得一赞。