IBURI smoke.sumibiyaki.bar (已結業)

食物：味道几好，串烧好多鸡嘅唔同部位，包括比较特别嘅鸡冠、鸡颈、提灯，但太太太多油，一串串烧可以抹到成只碟都系油环境：我哋三个坐吧枱，吧枱另一端有四五个客，同埋后边有张大枱七八个客，都饮酒饮到high晒不断狂叫，音量系酒吧劈场猜枚嘅程度，侍应介绍食物讲乜听唔到，我哋三个亦都完全倾唔到偈。最激气系侍应厨师冇叫𠮶两台客细声啲之余，仲陪客人饮埋一份，叫大家不醉无归。如果系居酒屋setting就无所谓，但而家系omakase Menu18样食物，就算我哋想走都仲有好多食物未嚟。最后要叫餐厅快快脆脆上埋剩返𠮶啲，串烧未食完就上炊物，赶头赶命咁食🤦🏻‍♀️埋单每位$900+（包括$688 omakase set, 加提灯、牛舌、饮品）价钱算合理，但真系嘈到完全enjoy唔到啲食物，如果谂住食饭倾偈就更加千祈唔好去。