Simplylife Bakery Cafe

营业中

休息中

今日同同事食lunch，遇上多人，平时呢间餐厅过咗唔够五张飞嘅话，都可以安排补飞。今日过咗两个号码，门口职员话安排补飞，但听见连续叫咗后三个号码都未到我哋，食晏时间越来越少，走去问吓点解叫咗后三个号码都未到我哋，呢位职员面无表情好晦气咁讲：「下张到你㗎啦！」我讲句「搅错」，然后因为唔想阻我同行同事同其他客人，忍左啖气，唔知系咪继续等仲要入座系冒犯左呢位职员。带位嘅职员出出入入我个位几次，都仲系眼睛凌厉咁望住我地个台平常只系需要叫后一张飞先可以补飞嘅制度，系咪变咗呢？就算系变咗，系咪有人问你你应该要交代一声？不愉快心情下嘅lunch就系咁样。平时都几好食嘅汉堡，都变得味道麻麻。多咗人所以态度都差d？如果态度同服务质素差，「麻烦黎边」「多谢哂」呢d说话都系废话，下次门口再遇见门口呢位职员我唔会再帮衬，废事贴钱买气受！