添好運點心專門店 (裝修中)

一早十点见无乜铺头有开，就决定去食点心，一入铺头冷静严重不足，开放式厨房既蒸气不断涌埋黎，一问之下系商场冷气系统既问题，十点先会开冷气，夏日炎炎滴住汗咁食都算，始终唔系员工控制到既问题。食物质素普通，本身都无乜期望，咁平都唔会期望有好大惊喜，只系唔明点解会出名同有人专登排队去食。最嬲既系有位身形肥胖著黑色制服短发既带位女职员服务态度极为恶劣，当客人狗咁喝，十分明白贵店只系普通点心铺头，无收加一服务费所以唔会有咩服务可言，但基本既礼貌佢都做唔到，入得黎帮衬就系客人，你翻得工，著住公司制服就系收左人工要提供服务，点解可以命令口吻去呼喝客人？块面一翻工就黑哂，好似个世界欠左佢咁。相信我并唔系第一个觉得佢态度差。食物普通客人都有机会再次光顾，但黎到要受该职员既气就不会了，希望贵公司认真正视该员工既问题并作出合理及适当既处理，而唔系对客人既意思视而不见。