名人私房菜 (已搬遷) 新店位置

带爸妈去食饭，佢地都系比较实际，不太钟意花巧，所以决定带佢地食私房菜。有足料大白菜猪肺汤，老火汤够晒甜，主妇妈妈都话几满意。有个冷盘手撕鸡，卖相好吸引，特别之处系加左芒果，酸酸甜甜，夏天食佢岩晒，已要求爸妈番屋企去试整。蒸扇贝，粉丝吸咗扇贝嘅鲜味，正。跟住有蒸海星班，煮得岩岩好，鱼肉嫩滑，重有好多葱，好香，鱼汁捞饭一流。之后上既系避风塘炒蟹，适量辣椒，蒜蓉炸得够干身，蟹够晒大只又多肉，海鲜最重要系新鲜，呢只蟹肉都几甜，唔错。海虾用豉油汁煮，好惹味，但爸妈认为可以再重味啲，我个人觉得已经好够味。鱼形芒果布甸，唔太甜，几好，唔食花奶既要预早讲定，爸爸今次有得睇冇得食。一家人食饱饱后，大家都觉得可以再encore。