酒肉·朋友 (已結業)

无论真心朋友定酒肉朋友，自从同咗A姐一齐之后，已经无时间见佢哋。难得今日A姐放我自由，我要同我班friend去happy吓先得！今日收工后就同班好耐无见嘅知心好友去到鲗鱼涌嘅酒肉·朋友(Brothers Bar & Grill)，一于边食串烧边倾计，好写意呀！银鳕鱼串烧烧到香喷喷嘅银鳕鱼，入口即熔，油脂比例啱啱好，配上特制烧汁，好好味，好满足呀。明太子鸡翼串烧去咗骨嘅鸡翼，鸡皮烧到脆卜卜，大大啖咬落去，就系好丰富嘅明太子，劲多汁香口滑嫩。鸡肾串烧用牛油烧嘅鸡肾，食落起干身，仲有香浓嘅牛油香。盐烧黑豚脸青串烧肥瘦适中，表面微焦，入口少少油，但真系好好味呀！薄切牛舌串烧虽然叫薄切牛舌，但都有一定厚度，配上黑胡椒调味，食落去有咬口又唔靭，牛肉香味十足。盐烧牛肉串烧比牛舌更厚更有口感，烧得啱啱口，带少许咸香，而且好软腍。芦笋豚肉卷串烧芦笋配搭豚肉，好新鲜呀！芦笋鲜嫩无渣，豚肉脂肪比较适中，好match呀。盐烧海虾串烧虎虾卖晒，惟有食海虾，大大只仲有少少虾膏，虾肉弹牙。汁烧墨鱼咀串烧第一次食墨鱼咀，墨鱼味香浓，好烟韧又有口感。秋葵串烧食咗咁多肉，最后食番个健康之选嘅秋葵啦。（记住Like同Sha