高興+ (已結業)

今晚同同事收工一齐去食晚餐，同事话公司附近有间「高兴+」既餐厅，餐厅食物好特别，包我一定钟意。舖既外面已经发现好特别，店内分2个空间，一边有古典式摆设，挂上旧式既相架及不同摆设，而另一边感觉系比较现代式既摆设，仲有壁画，壁画展现北角邨及附近景色，两边风格大大不同。入到餐厅有职员问我地是否已订枱😊同事带我去，话呢到好食。枱上已放上餐牌，餐牌上有不同既美食任我地选择，我地点选两份意粉加一个小食，咁就可以share比对方，多一份不同味道。黑松露杂菌意大利粉 $89有阵阵香浓既黑松露味飘埋黎，再配上好多杂菌菇，仲要好大只好足料，酱汁好足够，令每一条意粉都沾满咗酱汁，好味道，啱哂爱食菇既人士。咸蛋黄卡邦尼烟肉意大利粉 $96咸蛋黄意粉真系第一次食，估唔到咸蛋黄酱同意粉配搭得咁好，个酱汁够，又香仲一啲都唔咸，仲要好开胃。意粉上面配上一块大脆片。高兴鸡中翼配牛油果忌廉酱 $48鸡中翼用肉眼望落去系软身质感，咬落去先会发现原来好脆口，仲带有一点点辣辣的口感，刺激到味蕾，鸡肉仲好嫩滑。特别既系配上牛油果忌廉酱料后，鸡翼就会温和番，连辣味都减少咗，仲有阵牛油果味，好特别，好正呀🤤🤤🤤🤤🤤