影片
更多
2023-10-02
153 浏览
同事话食厌咗佐敦区嘅嘢，lunch拉咗我去大角嘴食，搭一个站地铁行五分钟去咗间细细哋嘅米线铺食，间嘢似系新开张不久，日头主打花甲粉同小锅米线，夜晚主打串烧食。猪颈肉小锅米线每款小锅米线都预设玩有韮菜同芽菜，可拣米线、粉丝同出前一丁，我拣咗猪颈肉米线配少麻酸辣汤底，见价钱相宜以为份量唔多，另加咗鱿鱼须同猪软骨，结果好后悔，因为太多我食极都食唔晒，实在系抵食。烧猪颈肉肉质爽弹入味，外皮煎得焦香，同麻酸辣汤相当之夹，而且份量好多，我冇认真数估计至少有十块八块。猪软骨肥瘦适中，肉质唔会太鞋入味，软骨部分都够稔，大大件几抵食。鱿鱼须味道正常唔腥，质味弹牙唔韧，本身嘅鲜味加上麻酸辣汤变得更惹味。花甲粉丝花甲粉都一样可配米线、粉丝同出前一丁，汤底可拣唔辣、微、少、中同大辣。同事拣咗鲜甜花甲粉丝配清汤走辣，另加牛柏叶同娃娃菜。同事好搞笑唔知花甲粉预设配有娃娃菜同金菇，佢另外加咗份娃娃菜，结果个粉睇落似成煲菜。拨开啲娃娃菜见到满满嘅花甲，同事表示花甲鲜甜唔腥，叫清汤系明智选择，因为汤底吸收晒娃娃菜同花甲嘅鲜甜，令到粉丝都好鲜甜。牛柏叶唔靱够爽口，而卤猪大肠够入味，入口即溶。另外，面头嘅芫茜同炸黄豆虽然系
猪颈肉小锅米线
每款小锅米线都预设玩有韮菜同芽菜，可拣米线、粉丝同出前一丁，我拣咗猪颈肉米线配少麻酸辣汤底，见价钱相宜以为份量唔多，另加咗鱿鱼须同猪软骨，结果好后悔，因为太多我食极都食唔晒，实在系抵食。
烧猪颈肉肉质爽弹入味，外皮煎得焦香，同麻酸辣汤相当之夹，而且份量好多，我冇认真数估计至少有十块八块。
猪软骨肥瘦适中，肉质唔会太鞋入味，软骨部分都够稔，大大件几抵食。
鱿鱼须味道正常唔腥，质味弹牙唔韧，本身嘅鲜味加上麻酸辣汤变得更惹味。
花甲粉丝
花甲粉都一样可配米线、粉丝同出前一丁，汤底可拣唔辣、微、少、中同大辣。同事拣咗鲜甜花甲粉丝配清汤走辣，另加牛柏叶同娃娃菜。同事好搞笑唔知花甲粉预设配有娃娃菜同金菇，佢另外加咗份娃娃菜，结果个粉睇落似成煲菜。
拨开啲娃娃菜见到满满嘅花甲，同事表示花甲鲜甜唔腥，叫清汤系明智选择，因为汤底吸收晒娃娃菜同花甲嘅鲜甜，令到粉丝都好鲜甜。牛柏叶唔靱够爽口，而卤猪大肠够入味，入口即溶。另外，面头嘅芫茜同炸黄豆虽然系配角，但有著画龙点睛嘅作用，提升咗清汤嘅层次。
张贴
