彩福皇宴 (安達中心)

营业中

休息中

好耐冇系假期晨早同妈妈去饮茶 ﹐今日就同佢去尖沙咀饮茶同埋行下街。好彩早少少到，迟多10分钟都要等位。见到点心纸有啲得奖点心，所以我哋都点d试下。得奖原只鲍鱼烧卖皇 - 烧卖嘅虾大只爽口，鲍鱼亦都好够味。得奖龙皇野菌肠 - 肠粉包住春卷，春卷再包住啲菇同埋鱼肉，夹埋一齐食好得意嘅口感，鱼肉香滑。份量都算大。香煎上素腐皮卷 - 刚刚炸起，非常脆口。得奖海皇带子饺 - 平时去酒楼食呢类饺，个皮、馅都会觉得好油，但呢个饺竟然唔油! 咁先至食到材料原本嘅味道。海蜇小青瓜 - 个汁好好味， 甜酸辣度刚好，配埋蒜粒，perfect! 海蜇爽口，青瓜系切一条条长条状，都好新鲜。金箔芝麻卷 - 实在太少酒楼有得食呢个传统甜品，所以必须要点，仲要有金箔，十八蚊实在太抵!鲤鱼芒果布甸 - 鲤鱼下面仲有一浸薄薄嘅啫喱，有少少颜色，好似条鱼系水度游水咁。唔会太甜，呀妈都话好。