老點點心竹筒飯 (已結業)

外国朋友嚟到香港，点都要带佢食返餐点心。今次特地拣咗老点，因为之前食过水准不错，二来呢度嘅点心全部都比较有特色，带点fusion风味，得呢度先食到。入到去，发现原来都有几枱外国人！而老店员虽然唔识英文，但都服务周到殷勤，值得一赞！碧绿带子肠($28)肠粉好滑又薄，入面包住柔软嘅带子同爽脆嘅菜心，口感丰富。咸香黑鱼子烧卖($19)烧卖呢d经典点心，循例都要比外国朋友试试嘅。呢度嘅烧卖肉质扎实，加上黑鱼子作点缀，令到烧卖更有特色。怀旧姜汁糕($18)我一向喜欢食姜汁糕，见到当然要点一客，好彩朋友都钟意姜味嘅甜品。呢度嘅出品非常唔错，姜味好浓，感觉好驱寒。虫草花鸡竹筒饭($30)饭蒸到太淋，而且虽然加咗虫草同鸡肉，但无咩味道，比较失色。开胃番茄鲜竹卷($22)呢度嘅鲜竹卷一样搞搞新意思，有别于一般浸在高汤入面，呢度嘅鲜竹卷浸系新鲜番茄汤度，番茄汤味道天然浓郁，酸酸甜甜，颇为开胃，食起来感觉无一般食到嘅咁油腻。戚风班兰马拉糕($22)班兰马拉糕又系呢度自创嘅点心，味道好有惊喜，马拉糕蒸得软熟轻盈，唔会太淋，食落有淡淡嘅班兰香，唔错！蜜味叉烧包叉烧包不过不失，但馅料好足，包亦软熟。两个人点咗太多