媽咪雞蛋仔 (已搬遷) 新店位置

讲真呢排真系唔多出街，真系咁岩同妈妈过开黎旺角睇中医调理身子..先至出去咁人多嘅地方。下午茶时间真系好口痕架醒起附近有间妈咪鸡蛋仔，即刻流晒口水，我自从大学时期系红磡知道左呢间野嘅存在..就几乎冇食过普通街边鸡蛋仔..平时一定叫香蕉朱古力..但医师话唔好食蕉wor..咁就试下抹茶啦，感觉养生啲？但其实..算啦，唔讲呢啲咁扫兴。朱古力都系唔可以少架曳埋今日啦！即叫即整，入面两个真系好似妈妈咁嘅staff密密整，等左5分钟度就有得食啦热辣辣粒粒都大大粒，系实心架！开心粒粒都食到朱古力咁济，妈咪都话正，哈哈佢真系外面小脆，唔系硬，入面又好似mochi咁，真系一粒接一粒，停唔到不过，我觉得下次再试抹茶应该会斋order抹茶，唔加朱古力，因为我唔太食到抹茶味lol好！下次再战！