大滿屋日本料理 (已結業)

行过APM都会收到佢既单张，见到觉得几正咁就带埋家人黎试下！我绝对系专攻生野既人！佢d刺身好新鲜！仲有唔少选择！虽然无妈妈喜欢既赤贝，但有同样好爽口海螺片！三文鱼好厚切！甜虾都好大条&好甜！希灵鱼唔苦，d鱼子食落好脆！另外再试左泰国虎虾！有埋泰式酸辣酱好配合既味道！同埋餐厅用呢d小碗上菜我觉得好可爱！令色彩好缤纷！寿司我地无叫好多，佢系细细旧咁，唔会话好饱！花之恋如常地好食！海胆+三文鱼亲子系我另一至爱！味唔会话好腥！包住寿司既三文鱼都好松化，仲好大块！呢个质素既放题真系好少有！最紧要既系服务态度仲劲好！会行埋黎问你有无漏单！唔怪得咁多人等位！值得再黎！