Pho 778 (已結業)

家中o既煮食炉仍未修理好，遇上工作忙碌，午饭时间唯有买外卖。上周发现横巷有间越南餐厅「PHO 778」新登场，寻日就立即去帮衬。小店装潢简约，只有木造o既枱櫈配上白色同绿色o既墙身，估计入内有二十多个座位左右。玻璃窗上贴出「试业」便条，似乎店主仍在摸索客路及街坊o既饮食习惯。门外展出大型o既午市餐牌，方便食客候座或外卖时拣选食品。小肥点咗碗「生牛肉汤河粉」。收银姐姐友善好客，落单后五分钟内有得攞，服务态度良好兼效率高。承载汤河个胶碗呈六角形，唔知系咪有高人指点过呢？！上面印出「开饭了」，不禁令细佬谂起OpenRice。打开个盒黎睇，发现胶碗内有干坤，𩠌菜河粉都放于上格，而热汤就分开载于下格，感觉卫生得很。由于底层o既汤真系好够热辣辣，牛肉一放落去好快就熟，起码快过XO仔影相先。生牛肉汤河粉（$42）：河粉尚算柔滑，牛肉都好软腍，汤底则带有一阵药材味，虽然未必人人啱，不过个人可以接收。湾仔食肆主要靠做午市为主，区内更不乏提供饭面汤粉o既餐店，平价o既有十几蚊一碗，不过贵至百几二百蚊一碗o既都有。「PHO 778」o既出品只属平庸之作，价格虽唔算贵却又一啲都唔平，小店要企得住脚真系要落多少