Flying Pig Bistro

营业中

休息中

星期六晚同朋友二人带埋狗狗去咗呢间宠物有善餐厅, 因为之前见到呢间餐厅可以带狗狗坐入冷气座位。订位后致电该餐厅告知我哋会带狗狗去, 职员话最近收到其他食客嘅投诉, 所以安排我哋必须坐喺近门口嘅四人吧枱：两个座位喺餐厅内, 而另外两个座位喺餐厅外面(睇吓餐厅门面照片就明白)。我们带狗狗去餐厅, 明白佢哋嘅处境, 所以接受。当我地去到餐厅时, 职员亦都重申带狗狗去只可以坐呢个座位。但我哋叫咗食物之后, 发现入边有一张枱五个人及一只狗狗, 职员叫经理过嚟解释, 经理话佢哋有五个人, 而且同佢哋讲咗如果有食客投诉就要即刻离开。当时觉得好唔公平, 两次同我哋讲只可以坐出边, 但发现对其他食客有唔同安排。扰攘一轮后经理先至提出安排我哋坐室内嘅二人枱。我哋需要位置俾狗狗坐, 所以拒绝掉位。呢间餐厅嘅食物ok, 不过座位安排影响咗我哋嘅心情。提醒大家想带狗狗去呢间餐厅, 要问清楚座位安排, 如果天气太热, 要考虑吓可唔可以接受门口位。