紹華小廚

营业中

休息中

冬天最啱系食煲仔饭，经朋友介绍，自己又住港岛方便就去试呢间煲仔饭。间铺嘅位置都唔系好容易揾，一到步门口都冇张贴餐厅名，要问楼面先知道嚟啱地方。坐低就扫单落单，等咗15分钟，两兜饭上台。楼面姐姐好好服务态度地将枱面上嘅煲仔饭豉油帮我哋淋上、然后声称要冚盖焗多一两分钟。煲仔饭啲𩠌做得好唔好食见仁见智，但本人就觉得一般，重点兜饭个底系㶶晒。煲饭一上到台𠮶阵浓味都可以喺个盖窿度传出嚟。环境都系一般熟食街市模样，有乌蝇周围飞，服务态度正常。有三张二人台，如果被坐满就可能要圆枱同人搭枱。