湯火功夫麻辣燙 (已結業)

送左大帝番学后就系我的自由时间，今日去左铜锣湾食个late lunch。之前间唔中去大陆玩都会去铺头食或番酒店叫外卖麻辣烫食。系香港唔多麻辣烫铺头，今次见到就黎试下。写纸仔拣食咩𩠌同面食，叫左娃娃菜鸡翼莴笋麻辣米线，要左小麻小辣。满满一大碗面头有几多花生，汤底够麻够辣仲有点花生香，味道唔错，娃娃菜亦新鲜，莴笋爽脆，鸡翼卤得入味。米线爽滑唔会淋patpat。仲叫左杯冻奶茶走冰，茶几香唔会涩，亦都几滑，几好饮。环境干净光猛，有些灯几有特色，比起一般见到既麻辣烫铺头干净有装修。