意情濃

营业中

休息中

因为推住bb车，所以拣左坐出面谂住易啲照顾BB同喂BB食嘢。但我真系做错啦....今日打紧1号风球虽然冇落雨但天气超级闷热，再加上无风扇，30几度坐户外真系唔系人人都受得到，BB都因为天气太热好似冇乜胃口食嘢。呢度早餐好多选择，大约有20几个拣。我叫咗个菠菜蘑菇煎蛋螺丝粉餐，加埋蕃茄汤底（可以拣清汤），超级大碗！如果唔系坐室外应该真系会好正好叹。由于太热，餐饮我叫左冻咖啡。坐室外仲有样嘢唔好，就系好多乌蝇....成程费黎飞去，好annoying...我再另外加左个虾饼，原来有成3大块！！！一见到我已经吓亲，原来呢度啲食物份量咁大！好明显我同bb系无可能食得晒，所以最后都系打包。讲返野食，番茄汤不过不失，可以一赞系菠菜同蘑菇好多，可以食到好多菜，以外食黎讲较健康，煎蛋系流心蛋，我钟意捞埋食，都唔错。冻啡同平时茶记啲咖啡唔同，比较浓味，有机会下次会试下叫个热啡，先试到佢咖啡嘅真味道。虾饼虽然够脆够大旧，但唔够弹牙，胜在够平、性价比高，可以一试。