翠華餐廳 (已結業)

寻晚上training冇饭食，今朝要食个丰富早餐。嚟翠华次次一定叫同一个早餐B，沙嗲牛肉要爽面，炒滑蛋，转埋餐包做奶油脆猪，冻啡走甜少冰外卖杯。其实牛肉冇乜肉味，沙嗲味都好淡，一定要自己落大量胡椒粉。面要快食因为好快会腍。炒滑蛋就偶然会失手略㶶，但今日冇事，仍然香滑。奶油脆猪冇以前咁松，烘得太㶶有啲界口。咖啡浓味带酸，但店方不吝啬奶，味道还可以。