常嚐食•深燒堂 (已結業)

今晚收工去左试新餐厅，地点系旺角花园街常尝食•深烧堂，菜式系港式串烧。今日天寒地冻，食返d热辣辣串烧就合时啦！餐牌有招牌花甲粉，串烧有多款选择，有海鲜，厨师推介，日台系列，蔬菜，肉串，丸类，另外仲有甜品，饮品同酒水。有多个辣度选择。落单自己喺纸度剔就得，好方便。无加一。第一次黎，我一支公叫咗几串推介串烧试试。烧安格斯一口牛 $38呢个烧安格斯一口牛有两个推介手指，一串有4件，大大粒，一上枱就闻到好香孜然粉味，一口牛味道辣度适中，好惹味，肉质都算腍。烧原件羊架 $68呢个烧原件羊架都有两个推介手指。羊架大大件，非常热辣辣，面头满满孜然粉，味道唔错。连骨有少少脂肪。红绿灯三色椒一口牛 $38呢个红绿灯三色椒一口牛有一个推介手指。卖相比一口牛更吸引，因为有红黄绿三色椒相间，食落更添滋味减低腻度。一串都系大概有4份左右。我全部拣咗少辣。我觉得辣度对我黎讲啱啱好，食完个嘴仲有辣辣余烬。