一寿司 (已結業)

自从黑夜寿司提早左之后，一寿司就变左每个月都会黎一至两次的饭堂，虽然成日见到7点几门口就排左好长龙，但其实入面都几多位，所以都唔会等太耐就可以入座。另外值得一赞系上菜时间比想像中快，原先以为半价寿司吸左好多客，厨房应该有排做，但好在D野都上得快手，唔会等到系咁催单。以前未有半价个时就开始食一寿司，质素方面都唔太差，依家半价之后基本上都Keep到水准，例如平时食开的带子、鲷鱼、油甘鱼、剑鱼、吞拿鱼都好鲜味，特别系带子，大大粒又厚肉，入口仲有甘甜，口感柔软，食左咁多次都无话上碟时有问题，咁当然同贵价寿司店比系会差少少啦，但呢个价钱黎讲就算系唔错！