羅麥記 (V City) (已結業)

又一个无所事事嘅下午，就同屋企人嚟到呢一间经常光顾嘅餐厅！虽然成日都来，但每一次都唔错，有惊喜！今次食咗招牌瑞士汁鸡翼捞丁，丁面例牌的好烟韧，卤水汁十分入味！鸡翼好嫩滑！又淹得好入味！好快我哋就将呢一碗面食晒！另外我哋仲食咗招牌瑞士汁炒牛河，分量估唔到咁多！河粉弹牙，牛肉可能雪得太耐，已经无乜牛肉味，不过卤水汁果然系招牌货！甜甜地不错！沙律哈的骰多士，沙律十分之开胃！虾亦都好弹牙好大只！多士炸得好松脆，面包亦都好松软，呢一个西多士唔算油腻。呢一间可以算系我哋屋企人嘅家常饭堂，食物一直保持水准，价钱又好合理，选择范围亦都好广，所以我哋仍然会继续来光顾嘅。