皇庭海鮮酒家

营业中

休息中

山长水远入去流浮山，谂住买啲野过年。谂住买嘢之前同屋企人入嚟饮过茶，惊冇嘢食，预先已经打定电话入嚟话茶市收三点。搭K车入嚟都好方便，喺总站落咗之后向前行几分钟就见到酒楼。整体嚟讲除咗个乳鸽系热辣辣之外，其他都系常温。个芋蓉奶黄流心酥就真系差咗少少好似炸咗好耐之后放凉咗咁，猪脚仔都唔算入味。反而个蛋煎糯米鸡几香，煎过嘅糯米饭系几远，但馅料就唔算好足。个芝心虾丸几弹牙，另外个虾饺都几爽口，但系可惜块皮厚咗啲。反而我觉得个鸡球大包几足料，其实鲍鱼嚟讲系一个点缀，反而佢里便啲鸡髀肉都几多，唔系斋系打烂啲鸡肉，真系有一件件鸡髀肉系里面。啲鱿鱼都够味，但系都系𠮶句点心唔够热，味道就打折了！