影片
更多
2019-10-01
1620 浏览
日期：9月27日人数：1人因为要单独去银行一趟，所以就自己一个人快快手手食个午餐。来到银行附近嘅机利文新街，喺呢间冰室咁啱有一个位，就入咗去食。来到冰室当然要点一个常餐嚟考牌啦。常餐里面有猪扒公仔面、葱花炒蛋、丹麦多士、同埋一杯饮嘢。转冻饮加$3。先讲猪扒公仔面，猪扒煎得好香，但比较细块，切左啲骨之后剩返好少肉。公仔面略为林左少少。但值得一赞嘅系碗汤好热，仲几浓几好饮 (餐厅声称系金宝汤)。葱花炒蛋方面，食落去系热嘅，所以应该系即炒，鸡蛋本身几香，加埋葱花感觉唔错。最后系丹麦多士，比一般多士松软，加上面包新鲜，当然好食啦。冻柠茶我冇影相，但系比一般茶餐厅要大杯少少。餐厅装修正正常常，服务都算及时，冇乜挑剔。我食完之后餐厅都冇即时赶我走。总括而言，食完个常餐感觉好满足。系可以嚟再次encore嘅冰室。
人数：1人
因为要单独去银行一趟，所以就自己一个人快快手手食个午餐。来到银行附近嘅机利文新街，喺呢间冰室咁啱有一个位，就入咗去食。
来到冰室当然要点一个常餐嚟考牌啦。常餐里面有猪扒公仔面、葱花炒蛋、丹麦多士、同埋一杯饮嘢。转冻饮加$3。
先讲猪扒公仔面，猪扒煎得好香，但比较细块，切左啲骨之后剩返好少肉。公仔面略为林左少少。但值得一赞嘅系碗汤好热，仲几浓几好饮 (餐厅声称系金宝汤)。葱花炒蛋方面，食落去系热嘅，所以应该系即炒，鸡蛋本身几香，加埋葱花感觉唔错。最后系丹麦多士，比一般多士松软，加上面包新鲜，当然好食啦。冻柠茶我冇影相，但系比一般茶餐厅要大杯少少。
餐厅装修正正常常，服务都算及时，冇乜挑剔。我食完之后餐厅都冇即时赶我走。总括而言，食完个常餐感觉好满足。系可以嚟再次encore嘅冰室。
张贴
