紅葉

营业中

休息中

系咁既～作为一个元朗既街坊，要揾一间岩自己心水既茶餐厅又真系唔易，首先我想好坐d，食物质素唔差，呢间都算系咁，好过上一手。我平时最常食系佢既常餐。沙嗲牛肉米粉，米粉质地有别于其他，比较淋滑有咬口，沙嗲牛肉内有花生酱，味道都浓郁，牛肉见到都起码5、6片，份量足。两片火腿、炒蛋，味道正常，炒蛋系一粒粒蛋咁既，无落味，要自己加盐，火腿味道正常。丹麦多士，嚟到热辣辣，面头有牛油，酥香好味，个人最欣赏就系佢既丹麦多士，要新鲜出炉𠮶只。其实我已经算系老顾客啦，平时带个仔去公园，去完就系食呢间，尤其夏天好热嘅时候，呢间冷气好足够。